Afmæli nálgast

Hundfúlt að eiga afmæli rétt á eftir jólunum. Skil ekki hvernig ég gat gleymt að hugsa útí það þegar ég fjölgaði mannkyninu fyrir þrettán árum. Ég nennti ekki að baka fyrir jólin, svo nú á ég uppsafnaða bökunarorku sem fær útrás á morgun. Ég man ekki hverjum ég er búin að bjóða í heimsókn um helgina, en ég verð í viðbragðsstöðu á sunnudaginn, í þeirri von að einhver vilji gleðja mig með nærveru sinni þá. Svo verður afgangasamkvæmi á mánudagskvöldið.

Athugasemdir

[Rósa Aðalsteinsdóttir, 5.1.2008 kl. 13:07]

Sæl Guðrún mín. Get ekki mætt en mér finnst mjög auðvelt að baka í Kauptúni en ekki heima hjá mér  Til hamingju með strákinn. Megi nýja árið færa ykkur gleði og hamingju.

[Linda, 6.1.2008 kl. 01:31]

Til hamingju með afmælisbarnið og þakka þér fyrir að gerast bloggvinur minn.  Guð blessi þig og varðveiti á komandi ári.

[Guðrún Markúsdóttir, 7.1.2008 kl. 01:47]

Takk fyrir og velkomnar í bloggvinahópinn!

[Ragnar Kristján Gestsson, 7.1.2008 kl. 20:23]

Til lukku með strákinn - svona aðeins á eftir áætlun

[Ragnar Kristján Gestsson, 7.1.2008 kl. 20:24]

Já humm, ég á náttúrulega við óskirnar - ekki strákurinn ...

[Laufey B Waage, 8.1.2008 kl. 09:05]

Til hamingju með afmælisbarnið. Maðurinn minn á afmæli í dag og ég er svo heppin að eiga slatta af afgangs-jólasmákökum ef einhver kíkir í kvöldkaffi.

Hvernig er það annars með þig - ertu ekki að spá í að koma í Suzuki-heimsókn til Reykjanesbæjar? Ég hef unnið með nokkrum Suzuki-fiðlukennurum - og Helle er sú langbesta.  

[Guðrún Markúsdóttir, 8.1.2008 kl. 22:33]

Hamingjuóskir mótteknar með þökkum! Til að þetta sé alveg á hreinu, þá átti ég afmæli í gær, en sonurinn á afmæli á fimmtudaginn, 10. janúar. Mér tókst að ná mér í flensupest, nógu slæma til að komast ekki í vinnu, en ekki svo slæma að ég geti ekki notið þess að eiga afmæli. Kannski væri mér batnað ef ég væri ekki alltaf að éta kökur - kökur og engiferseyði - mjög gott saman.